பட்டுப் பட்டுப பட்டுப் பட்டுப் படித்த பாடங்கள் தம்மைப்
பிட்டுப் பிட்டுப் பகிரின் அவற்றுள் எத்தனை அனுபவங்கள்!
தொட்டுத் தொட்டு அவற்றில் தேடிப் பகிரும் அவசியங்கள்
தட்டித் தட்டிச் சொல்லிக் காட்டும் சமூகக் கடமைகளை!
எட்டிடும் பொருளை எட்டி எடுப்போம் எட்டாப் பொருளதனை
எட்டியே எடுத்திட ஏற்றவொரு துணையாய் ஏணியை இழுத்திடுவோம்
காட்டினுள்கூட உடன்துணையிருந்தால் துணிவுடன் நுழைந்திடுவோம்
நாட்டினுள் யாரை எப்படி ஏற்றால் நன்றாய் இருந்திடுவோம்?
சுட்டிடுமுண்மை சுட்டிடும்என்றே பொய்தனை நம்புகிறோம்
பட்டினிகிடந்தே பரமனின் இல்லம் புகவழி தேடுகிறோம்
பட்டினி கிடக்கும் மக்களை மறப்போம் கோவிலில் கொட்டிடுவோம்
தட்டிநம் பிழையைச் சுட்டிடின் அவரை வெறுப்புடன் ஒதுக்கிடுவோம்
பட்டநல் லறிவை முன்னவர் முன்பே நமக்கென பகிர்ந்தளித்தார்
பட்டங்கள் பெறவும் அகம்திமிர் கொளவும் இன்றிவர் அதைவகுத்தார்
எட்டிடும் எதையும் நல்மனத்தோடே பிறருடன் பகிர்வதில்தான்
எட்டாஉயரத்தில் தேடிடும் இறைவன் நம்முள்உடனிருப்பான்
கருத்துகள் இல்லை:
கருத்துரையிடுக