பெறற்கிய லாநிலை அழுத்திடும்போதும்
பெறற்குழைத் திடும்நிலை இழந்திடும்போதும்
வரற்கென இருப்பவை தடைப்படும்போதும்
இரவலும் இலையெனும் நிலை வரும்போதும்
உறவுக்கும் துணைக்கும்நம் உறவெனத் தேடின்
வருவதும் இணைவதும் எதுவெனத் தேடின்
வருவதும் துணையென இணைவதும் என்றும்
உருப்படப் பிழைவழி ஏற்கிற எண்ணம்
ஓவியன் விரல்வரை பெண்ணவள் தோற்றம்
காவியம் ஆகிடும் படைப்புகள் மற்றும்
தாவிடும் விதமதில் ஆட்டிடும் இசைகள்
யாவிலும் இருந்திடும் மாபெரும் சக்தி
பாரினில் பதித்திடும் பாரிய தாக்கம்
பார்த்திடில் சரியாய் ஆய்ந்துநம் வழியில்
பார்த்தவை மனமதில் பதிந்திடும் தாக்கம்
பாரினில் தாக்கத்தைத் தருவது புரியும்
மனமது ஏற்று ஒழுகிடத் தவறின்
இதமது என்றே தவறுகள் சார்ந்தே
வனமதில் வாழும் விலங்குகள் போலே
சுயதேவைக்காய் இரக்கத்தை மறக்கும்
விலங்குகள் வழியில் உள்ளத்தை இழுக்கும்
மனிதத்தின் வழியைப் பிழையாய் உணரும்.
சலனத்தின் பாதை சுயதரம் குறைக்கும்
சரியாய் உணர்ந்தால் நம்வழி திருந்தும்
கருத்துகள் இல்லை:
கருத்துரையிடுக