முழுமையாக எதனையும் அறிந்துவிடல் இயலாது
முழுமையாக எதனையும் புரிந்திடுதல் இயலாது
முழுமையாக எவரையும் கணித்திடுதல் இயலாது
முழுமையாக எதனிலும் நிறைவுபெறல் இயலாது
முழுமையாக இயங்குவதைப் புரிந்து கொள்ளல் இயலாது
முழுமையாக அறிந்தவையாய் எவையுமிருத்தல் இயலாது
முழுமையாக எவரறிவும் தீர்வுறுத்தல் இயலாது
முழுமையாக நிரந்தரமாய் எதுவுமிருத்தல் இயலாது
முழுமையாக எதையுமில்லை எனக்கருதல் இயலாது
முழுமையாக எதிலும் எதையும் அறிந்து புரிதல் இயலாது
முழுமையாக வாழ்வின் நோக்கம் தெரிந்துகொள்ளல் இயலாது
முழுமையாக எவரின்மீதும் குற்றம் காணல் இயலாது
முழுமையாக கல்விகற்ற மனிதர் இருத்தல் இயலாது
முழுமையாக ஒன்றுமறியா மனிதர் இருத்தல் இயலாது
முழுமையாக எவர்க்கும் எதையும் எவரும் செய்தல் இயலாது
முழுமையாகக் குறைஉணரேல் வாழ்க்கை என்றும் உயராது
கருத்துகள் இல்லை:
கருத்துரையிடுக