முன்னெண்ணம் இன்றிநீ புதிதாக எதனிலும்
முடிவுகள் எடுத்திடாதே! - எந்த
நன்மையும் சரியாகப் புரியாமல் வருமென
நம்பிநீ இறங்கிடாதே! - என்றும்
இருக்கின்ற நிலைமைக்குள் சரியாக வகுக்காமல்
இதை அதைச் செய்திடாதே! - என்றும்
வருகின்ற இலாபங்கள் பலனவை எல்லாமே
உறுதியேல் விட்டிடாதே!
அனுபவம் இல்லாமல் செய்பிழை மட்டுமே
அனைத்திலும் தோல்வி சேர்க்கும் - சொந்த
அனுபவ்ம் சேர்ந்ததாய்த் தீட்டிடும் திட்டம்
அனைத்தையும் பாதுகாக்கும் - எங்கும்
அனுதாபம் தேடிநீ பணிவெல்ல முயன்றிடின்
அனைத்திலும் தோல்வி சேரும் - சொந்த
அனுபவம் தரும்பாடம் உணர்ந்துநீ நடந்திடில்
வெற்றி மேல் வெற்றி சேரும்
இன்முகம் வைத்திரு; எவரையும் மதித்திரு!
இகமுன்னைச் சூழ்ந்து நிற்கும் - எந்த
நன்மைக்கும் எதிர்பார்த்து நல்லதைச் செய்திடின்
தின்மையுன் பின்னில் நிற்கும் - உன்றன்
கண்சொல்லும் எதனையும் நம்பாமல் மனம்சொல்லும்
உண்மையை ஏற்றல் வெல்லும்! - எந்தப்
பண்பிலும் உயர்ந்ததாய் மனிதத்தை மதித்திரு
பண்பட்டு உயர்ந்து நில்லு!
கல்லான இதயங்கள என்றென்றும் கரையாது
கல்லின் குணம் கரைவதன்று - எந்தப்
பொல்லானும் இயற்கையில் நில்லனா?
திருந்துவான் என்று நம்பு! - எந்தப்
பாதையில் வெற்றியை நாடிநீ செல்லினும்
பார்த்ததில் தீதைத் தவிர்த்தால் - என்றும்
வாதையே இல்லாத வாழ்க்கை வாழுவாய்
வார்த்தையை நம்பிச் செல்லு!
கருத்துகள் இல்லை:
கருத்துரையிடுக